Dr Sinn vo üsem Verein ischs, das mir e Fonds a Ehredame hei, wo mir a verschideni Fest chöi schicke. Üsi Trachte werde nach Reglement kontrolliert vor Trachtebörse Wittwer in Suberg und, wo nötig, o gad ahpasst. So chöi mir imne einheitleche Bild ufträte. Aus Organisator chame sich druf verlah, das z Verhalte und dr Umgang ir Tracht vo üsne Ehredame korrekt und mit Stolz verkörperet wird.